ការព្យាបាលដោយប្រើគីមី

ការព្យាបាលដោយគីមីបំបាត់អាចមានផលប៉ះពាល់ដល់ការប្រើប្រាស់ជីវិតប្រចាំថ្ងៃនៅក្នុងករណីខ្លះ ការត្រៀមខ្លួនក្នុងការទទួលការព្យាបាលនឹងជួយបន្ធូរភាពកង្វល់ក្នុងចិត្ត ថែមទាំងកាត់បន្ថយផលប៉ះពាលផ្នែកសុខភាពរាងកាយ និងផ្លូវចិត្តផងដែរដោយពាក្យណែនាំដូចតទៅនេះ៖

- ត្រូវសម្រាកអោយបានគ្រប់គ្រាន់ បើកចិត្តទទួលយកក្នុងការព្យាបាល កាត់បន្ថយភាពខ្វល់ខ្វាយ
- បំរុងរាងកាយអោយមានភាពរឹងមាំ ទទួលទានអាហារដែលមានប្រយោជន៍អោយគ្រប់ទាំង ៥ក្រុម
- ត្រូវផឹកទឹកអោយច្រើនយ៉ាងតិច ២-៣ លីត្រ ក្នុងមួយថ្ងៃ
- បើសិនមានធ្មេញពុក ឬរលាកអញ្ចាញធ្មេញ គួរតែទៅជួបពេទ្យធ្មេញដើម្បីព្យាបាលមុនពេលចាប់ផ្តើមទទួលការព្យាបាលដោយថ្នាំគីមីបំបាត់ បន្ទាប់ពីទទួលការព្យាបាលដោយថ្នាំគីមីបំបាត់រួច អាចធ្វើអោយប្រព័ន្ធការពារក្នុងរាងកាយចុះខ្សោយ បន្ទាប់ពីទទួលការព្យាបាលដោយគីមីរួច ការរក្សាព្យាបាលសុខភាពមាត់ធ្មេញចាំបាច់ត្រូវជួសឈាមមុនធ្វើធ្មេញដើម្បីរាប់ចំនួនគ្រាប់ឈាម
- ពិនិត្យឈាមដើម្បីត្រៀមខ្លួនក្នុងការទទួលការព្យាបាលដោយថ្នាំគីមីបំបាត់
- ទទួលទានអាហារមុនពេលចាប់ផ្តើមទទួលថ្នាំគីមី ២-៣ ម៉ោង និងគួរតែទៅនោមអោយរួចរាល់មុនពេលចាប់ផ្តើមទទួលថ្នាំ
- បើសិនមានជម្ងឺប្រចាំកាយ ដូចជា ជម្ងឺបេះដូង លើសឈាម ទឹកនោមផ្អែម ឬជម្ងឺដែលត្រូវទទួលទានថ្នាំប្រចាំថ្ងៃ ត្រូវជំរាបពេទ្យអោយបានដឹងផង

អ្នកជម្ងឺម្នាក់ៗអាចមានអាការៈដោយឥទ្ធិពលថ្នាំគីមីខុសៗគ្នា ហើយអាការៈនោះមានដូចជា៖

- ប្រព័ន្ធការពារក្នុងរាងកាយចុះខ្សោយ
- ការធ្វើការរបស់ថ្លើម និងក្រលៀន
- ធ្វើអោយមានស្នាមជាំងាយ ដោយសារគ្រាប់ឈាមធ្លាក់ចុះ
- មានដំបៅពងបែកក្នុងមាត់
- ខ្វះគ្រាប់ឈាម
- រាគរោះ
- ព្រិលភែ្នក រកាំភ្នែក ជ្រុះសក់ ស្ពឹកតាមចុងដៃចុងជើង

អ្នកជម្ងឺដែលទទួលការព្យាបាលដោយថ្នាំគីមីបំបាត់ត្រូវជំរាបអំពីអាការៈដែលកើតឡើងអោយពេទ្យបានដឹងគ្រប់ពេលដែលទទួលថ្នាំ ឬមុនពេលទទួលថ្នាំលើកក្រោយ ដើម្បីអោយពេទ្យជំនាញជួយប្តូរកំរិតថ្នាំអោយសមស្របទៅតាមអាការៈអ្នកជម្ងឺម្នាក់ៗ